A partir do vindeiro luns, arrancamos unha nova campaña de vacinación coa gran novidade deste ano: a vacina intranasal fronte á gripe para nenas e nenos de entre 2 e 5 anos! 👧🧒
📅 Esta campaña tamén se dirixe a outros grupos de risco como persoas maiores, embarazadas e persoal sanitario. Ademais, o persoal dos centros de educación infantil (con nenas e nenos de ata 5 anos) tamén será vacinado, reforzando a protección nos espazos educativos.
👨⚕️👩⚕️ Desde o Concello, recordamos a importancia de vacinarse para previr enfermidades e reducir as complicacións tanto da gripe como da covid e outros virus respiratorios.
🔔 Calendario clave:
A vacinación comeza o luns para persoas en residencias de maiores e centros de discapacidade.
O día 7 de outubro comezará a vacinación para nenas e nenos de 6 a 59 meses.
💪 Grazas ao esforzo de todas e todos, Galicia segue sendo líder en vacinación, cunha alta cobertura en todos os grupos de idade. Apostemos pola saúde e sigamos coidándonos!
Para máis información:https://www.xunta.gal/es/notas-de-prensa/-/nova/005388/xunta-pone-marcha-lunes-nueva-campana-vacunacion-con-novedad-aplicacion-ninos
