Sinalar antes de nada que non imos tratar materiais escolares, nin por suposto obrigatorios, a nosa intención é tentar achegar algún recurso para apoiar con tarefas e materiais accesibles para fomentar a diversión, aprendizaxe e a ilusión pola lectura por medio dos contos e os xogos.
Hoxe: O poliño da Abeleira
O poliño da abeleira, de Kalandraka TV
E para un pouco maiores, os libros de maior éxito:
Algunhas ideas de traballo cos contos:
Pode ser de xeito falado, ou por escrito cando vexamos posible:
1.- Quen é o personaxe principal? Como se chama? De quen se trata? (persoa, animal….)
Cantos personaxes aparecen? En que orde? Lembras os nomes?
2.- Di outros nomes, cousas, obxectos, comidas… que empecen pola mesma letra.
3.- Que outros personaxes aparecen no conto? Como se chaman? Quen son?
4.-Que lles pasa? ¿Que fai cada un deles? Onde están, a onde van…?
5.- Que problema/situación viven?
6.-Pasouche a ti algunha vez algunha aventura divertida?
7.-Xogar a buscar cousas dentro de cada imaxe, nomear por grupos (exemplo nomea todos os animais que atopes… todo o que sexa de cor vermello…. todas as cousas que vexas que empezan pola letra “?”…..)para os máis pequenos, pero tamén a todas as idades, incluso as persoas maiores, xa que fomenta a memoria, a concentración e a linguaxe.
8.-Cantas páxinas ten o libro? Contalas con eles no caso dos máis pequenos.
9.-Fai un debuxo, escribe o que máis che gustou. Co debuxo nunha cartulina poder facer un puzzle, recortar e tentar solucionalo.
10.-Que foi o que menos che gustou? Como cambiarias ti a historia? Tentar crear unha nova historia…
Son unicamente pequenas ideas, se algúen quere algunha lectura, ficha, proposta máis específica, podedes poñeros en contacto co correo electrónico do Concello: cultura@aranga.gal ou apuntatearanga@gmail.com
Bo día e lembrade, se saimos con sentidiño, poderemos abrazarnos antes!!!! Moito ánimo.
