O vindeiro 17 de xuño de 2025, o CIM de Coirós organiza unha actividade formativa dirixida a familias titulada “Educando para a Igualdade”, que se celebrará no Edificio de Usos Múltiples de Coirós, en horario de 17:15 a 19:15 h.
Esta xornada, impartida por María Soto, propón un encontro vivencial para fortalecer o crecemento na igualdade real dentro do núcleo familiar. O obxectivo é comprender os motivos do comportamento infantil e adquirir ferramentas prácticas para unha educación respectuosa, que sirva de modelo para construír unha sociedade máis xusta e igualitaria.
Trátase da primeira sesión do programa Educa Bonito, e as persoas interesadas poden realizar a súa inscrición cubrindo o formulario dispoñible na páxina web oficial do Concello de Coirós:
? www.concellocoiros.com
A actividade está aberta á participación de familias que queiran mellorar as súas competencias educativas nun entorno positivo e igualitario.