A Consellería do Medio Rural informa que, a partir deste xoves, 10 de abril de 2025, quedarán prohibidas as queimas de restos agrícolas e forestais realizadas por particulares en toda Galicia ata novo aviso. Esta medida implica que:
Non se concederán novos permisos para realizar queimas. Os permisos xa concedidos quedarán en suspenso a partir da data mencionada.
Esta decisión foi tomada tras avaliar a evolución das condicións meteorolóxicas e analizar os diferentes indicadores técnicos que inflúen no risco de incendios. A normativa vixente establece que se deben prohibir as queimas cando as condicións meteorolóxicas poidan dificultar o seu control.
La Voz de Galicia
Excepcións: Quedan fóra desta prohibición as queimas prescritas que executa o Servizo de Prevención e Defensa contra os Incendios Forestais, sempre que estean debidamente planificadas e conten cos medios de extinción necesarios.
A Consellería do Medio Rural solicita a colaboración da cidadanía para extremar as precaucións e denunciar calquera actividade incendiaria da que se teña coñecemento. Lémbrase que está dispoñible o número de teléfono gratuíto 085 para informar sobre incendios forestais.
Para máis información, pode consultar a nota de prensa oficial da Xunta de Galicia
